Este curso imos traballar con diferentes ferramentas para animar á lectura á nosa Patrulla de Exploración de 4ºB.
-
HORA DE LER: Na "Hora de Ler" na aula comezaremos
a facer unha lectura compartida do libro “O misterio dos fillos de Lúa“ de Fina
Casalderrey. Este libro relata unha tenra historia coa que traballaremos o
valor da amizade e a importancia das relacións familiares. O libro conta como á
gata de David, Lúa, desaparécenlle as súas fillas ao día seguinte de telas. O
pequeno David non o entende e, coa axuda da súa amiga Branca, emprenderá unha
investigación. Conseguirán achar a tempo ao culpable?
-
DIARIO DE LECTURA: Cada neno e nena fixo a portada do seu propio “Diario de
Lectura” nunha cartulina de cor. A ela iremos engadindo folios nos que os nenos
e nenas anotan algún recordo do libro que leron: pode ser unha opinión, un
debuxo, unha descripción do personaxe principal... É unha forma sinxela de
traballar esquecéndonos das "fichas de lectura tediosas” que tan pouco
lles gusta facer e que lles afasta do verdadeiro obxectivo: que se interesen
polos libros e pola lectura.
-
LECTÓMETRO: Estamos traballando na aula cun Lectómetro.
O Lectrómeto é un instrumento no que os nenos e nenas levan un rexistro dos
libros que leen. Cada vez que leen un libro o anotan no lectómetro pegando un
punto de cor na casilla correspondente. Ao longo do curso irán pasando por
diferentes niveis lectores dependendo do número de libros que lean: desde o “Nivel
Xeo” (lectores e lectoras iniciados/as) ata o “Nivel Tolo/a da Lectura”
(lectores e lectoras expertos/as).
-
FOLLA DE REXISTRO DE LECTURA NA CASA: Os nenos e
nenas levarán todos os días para casa nunha funda de plástico unha folla de
rexistro na que anotarán as lecturas que fagan na casa. Cada día que lean uns
quince minutos deben colorear a casilla correspondente. Recomendo que eses quince
minutos se fagan antes de dormir, de forma que sirva de relaxación e lles
permita conciliar mellor o sono. É unha maneira de autocompromiso coa lectura.